非洲雄狮炖“圭”

唔知大家有冇发觉非洲足球有一个特色，就係金钱挂帅，小弟并非一竹竿打一船人，事实上非洲足球的确经常出现为钱而罢踢新闻，而最经典有当年世界盃决赛周，塞内加尔因为奬金问题几乎搞到要“烂尾”，至于今届决赛周未开始，非洲劲旅之一嘅喀麦隆又係为奬金而“拗数”，希望唔会影响球队每场发挥。

仍未倾掂数之前，都要依照计划进行正常操练，明晨喀麦隆展开第二场热身赛，搵咗南美球队巴拉圭拍跳，希望保持作战状态。上场对住弱队马其顿虽然轻取两球，但入波功臣韦保因伤离场，踢唔踢到决赛周都成问题，而伊图仍然有伤，今仗未必可以上阵；不过，非洲雄狮依然具一定战力，桑治、麦比亚、马迪普、马干等都在欧洲五大联赛揾食，质素无需多讲，前线亦有法甲银靴奬射手阿布巴卡尔，有足够能力杀败实力不大如前嘅巴拉圭。

巴拉圭今届未能杀入决赛周，战力下降係最大原因，自从巴里奥斯、华迪斯、辛坦拿、巴列图及艾卡拉斯等主力退队后，球队出现青黄不接，今战作客喀麦隆，相信难以发围。

推介：喀麦隆1:0