圣徒作客难得“米”
欧霸盃附加赛第二回合明晨连场爆发,英超“死剩种”修咸顿将要作客丹麦球会米迪兰特,赢波就可以进入分组赛,和波则要睇球数。首回合佔主场之利都未能击倒对手,今仗作客恐怕难有胜算。
米迪兰特係上季丹超联赛“一哥”,今季由欧冠“降格”踢欧霸,论实力唔会差得去边,千祈唔好当係三四流球队。且近六场各项比赛三胜三和保持不败,士气与状态值得支持。初盘作客嘅修咸顿仲要让平手/半球,一于捧米迪兰特等“修”钱。米迪兰特阵中拥有多名国脚级球员,包括曾在苏超及德甲搵食嘅拉斯慕臣,呢位一米八五北欧锋霸制空力特强,係球队最大杀伤力武器;仲有保尔臣、史斯东、首回合入波功臣嘅芬兰国脚史柏夫及哥斯达黎加世界盃主力乌连拿等,有力与修咸顿一拼。
修咸顿今季有舒尼达连、奥斯华度及基连三大主力离队,实力削弱唔少。虽然亦补入多名具质素球员,可惜季初表现一般,三场英超只得两和一负,对住实力较强嘅爱华顿更惨呑三蛋,气势尽失。今场实在难以睇好。
推介:米迪兰特1:0