红魔鬼难追“素”

英超明晨又开战，有超级神经刀之称嘅纽卡素在主场迎战曼联。排尾三嘅纽卡素连埋足总盃已连输四场，球队战绩认真令人忧虑，但老实讲句，如果有睇“纽记”对阿仙奴场波，“纽记”的确输得唔抵，全场表现比阿仙奴更出色，若非兵工厂门神施治左飞右扑，“纽记”应该係赢波一队，可惜足球比赛就係咁奇妙，赢势输波经常出现，所以话，运气都係比赛嘅重要一环。

纽卡素目前形势依然恶劣，每场波非要抢分不可，搏命程度唔需多讲。球队目前伤兵仍多；不过，除奥拔顿与安尼达唔踢得受到影响外，阵容总算完整，只要上下一心，踢出拼劲及斗志，未必会输硬畀曼联。

曼联近期表现依然起起伏伏，根本踢不出任何霸气，防守欠缺稳健，前线进攻火力仍然锐利性不足，确实欠缺赢波本钱。上仗足总盃对住低两班嘅锡菲联，只能靠朗尼完场前十二码才能过关，赢得相当艰险，且今季作客战绩只得四胜两和四负，完全唔合格。初盘仲要让纽卡素半球，必拣“纽记”主场坐和望赢。

推介：纽卡素2:1